Sonata Ng Gitara


By Raul Funilas

Mulang umalis ka’y hawak ko’y gitara,

Tinitipa-tipa’y ating alaala;

Doon sa sagingan at tabing aplayang

Ating binubuo pangarap-pag-asa.

Minsa’y tinutungo matarik na burol,

Nagbakasakaling matanaw ko roon

Ang bakas ng ating magandang kahapon;

Hanggang sa lubugan nitong dapithapo’y

Malang maaninaw. Sa gabing mapanglaw

Ang hinaharana’y ang limbo ng buwang

Wari’y nanunudyo ang luminang tanglaw

Sa pangungulila sa ‘yo aking Mahal.

Sa aking pag-idlip ikaw ang pangarap—

At gitarang lagi ang hawak ko’t yakap.

Sa Pamatuan ng pulo ng Talim

One of the collections of Greatest Living Filipino poems from Filipino poets.

Next blog